Asosiy » 2009 » Aprel » 7 » Singapur delegatsiyasining uchrashuvlari
Singapur delegatsiyasining uchrashuvlari
21:56
Muloqot chog‘ida ikki davlat rahbarlarining uchrashuvlarida erishilgan kelishuvlar O‘zbekiston bilan Singapur o‘rtasidagi o‘zaro hamkorlikni barcha jabhalarda, jumladan, parlamentarizm sohasida ham rivojlantirishda muhim huquqiy asos bo‘lib xizmat qilayotgani alohida ta’kidlandi. Xususan, Prezident Islom Karimovning 2007 yilning yanvar oyida Singapurga davlat tashrifi o‘zaro aloqalarni yangi bosqichga olib chiqdi.
Uchrashuvda ikki mamlakat oliy qonun chiqaruvchi organlari o‘rtasidagi munosabatlarga doir masalalar yuzasidan atroflicha fikr almashildi.
– Mamlakatlarimiz o‘rtasidagi aloqalar izchil rivojlanayotgani bizni g‘oyat quvontiradi, – dedi Abdulla Tarmug‘iy. – Tashrif asnosida yurtingizni har jihatdan rivojlantirish yo‘lida amalga oshirilayotgan keng ko‘lamli islohotlar yuksak samaralar berayotganining guvohi bo‘ldik. O‘zbekistonda qonun ijodkorlari uchun yaratilgan qulay sharoit va imkoniyatlarga havas qilsa arziydi. Ikki tomon uchun ham foydali hamkorlikni barcha yo‘nalishlar qatori parlamentarizm sohasida ham yanada rivojlantirish tarafdorimiz.
Singapur Respublikasi parlamenti Spikeri O‘zbekiston Respublikasi Oliy Majlisi Senati Raisi I.Sobirov bilan ham muzokara o‘tkazdi. Muloqot chog‘ida ikki tomonlama munosabatlarning huquqiy asosini mustahkamlashda parlamentlararo hamkorlik muhim ahamiyat kasb etishi ta’kidlandi. Tomonlar bu yo‘nalishdagi aloqalarni yanada faollashtirish masalalarini muhokama qildilar.