Asosiy » 2007 » May » 5 » Faxriy jurnalistlarni sharaflash marosimi bo’lib o’tdi
Faxriy jurnalistlarni sharaflash marosimi bo’lib o’tdi
05:46
4-may kuni O’zbekiston Milliy matbuot markazida Ikkinchi jahon urush qatnashchilari va O’zbekiston matbuoti rivojiga ulkan hissa qo’shgan faxriy jurnalistlarni sharaflash marosimi bo’lib o’tdi. Tadbir O’zbekiston Jurnalistlari ijodiy uyushmasi, O’zbekiston mustaqilbosma ommaviy axborot vositalarini qo’llab-quvvtlash va rivojlantirish jamoat fondi va O’zbekiston Milliy matbuot markazi hamkorligida uyushtirildi. O’zbekiston Jurnalistlar ijodiy uyushmasi raisi Sherzod G'ulomov urush va mehnat faxriylarini yaqinlashib kelayotgan Xotira va qadrlash kuni bilan tabrikladi. So’ngra so’zga chiqqan faxriy jurnalistlar O’zbekiston prezidenti Islom Karimovning “Ikkinchi jahon urushi qatnashchilarini rag’batlantirish to’g’risida”gi farmoni va unda belgilangan tadbirlar xususida alohida to’xtalishdi va o’zlariga ko’rsatilayotgan g’amxo’rlik uchun minnatdorlik bildirishdi. Tadbir so’nggida urush va mehnat faxriylariga Mustaqil matbuot fondining pul mukofoti topshirildi va bayram dasturxoni yozildi.