Ushbu rasmlar "Feniks"ning Yerga yuborgan birinchi xabarlaridir.
Salkam 700 mln kilometr yo'lni bosib o'tgan amerikaning "Phoenix" ("Feniks") kosmik apparati Marsning shimoliy qutbiga qo'ndi. "Feniks" belgilangan vaqtda Yerga radiosignal yubordi va endi oldindan rejalashtirilganidek Mars tuprog'ini ortishni boshlaydi. Bu o'zga sayyoralardan hayot izini qidirib uyushtirilayotgan birinchi urunish emas.
Xabar berilishicha 12 yil oldin New-Yorkda o'tkazilgan auksionda Mars meteoritlarining qoldiqlari sotilgan bo'lib, ularning narxi har bir tosh uchun million AQSH dollaridan oshgan. Olimlar yoshi 1000 yildan oshgan ushbu toshlarni o'rganib Mars meteoritlarida hayot izlari bo'lganini ta'kidlashdi. "Qizil sayyora"ning yangi tuproq va toshlari Yerga 2009-yili olib kelinishi rejalashtirilgan bo'lib, yangi tadqiqodlar orqali Marsning aniq yoshini aniqlash va hayot belgilarini izlash kutulmoqda.
Birinchi o'z-o'zini boshqruvchi stansiya "Mars-1" ushbu sayyoraga 40 yilcha oldin 1962-yilning noyabrida yuborilgan edi. 1971-yili esa bir gala 5 ta kosmik apparat Ona sayyoramizdan Mars tomo yo'l olgan edi. Qizil sayyora ustidagi izlanish va tadqiqodlarning boshlanishiga Sobiq Sovet Ittifoqi va AQSHning kosmosdagi bellashuvlari sabab bo'lgan esada, hozirda bu kuzatuvlar global ahamiyat kasb etgan.
Ayni paytda Mars orbitasidagi kosmik kemalar soni 3 ta bo'lib, Sayyora yuzasini esa "Spirit" va "Opportyuniti" marsoxodlari o'rganishmoqda. Qadamba qadam insoniyat o'z armonini ya'ni Marsga odamlar ishtirokidgi ekspiditsiyani yuborishga yaqinlashmoqda.
|